المساعد الشخصي الرقمي

مشاهدة النسخة كاملة : هل انت مع اوضد...اتمنى المشاركه؟؟



lojeen
01-09-2008, 12:28 AM
السلام عليكم ورحمة الله وبركاته
كل عام وانتم بخير بمناسبه شهر رمضان الفضيل
أسأل الله سبحانه وتعالى ان يغفر ذنوبنا ويثبت اقدامنا ويقضي حوائجنا ويرحمنا بواسع رحمته


والحين ندخل بموضعنا
وهو هل انت مع او ضد عمل المرأه ؟؟
مع ذكر اسباب تأييدك او رفضك


بصراحه انا كبنت هالموضوع محيرني كثير
فمرات اجد نفسي مؤيده ومرات رافضه



اسباب رفضي اته مو حلوه المره تشتغل وتترك وراها مسؤليات كبيره في البيت
مثل تربية العيال والاهتمام في امور البيت اللي ما تخلص ...الخ وتعتمد على الخدامه
واللي يزيد الطين بله لما نشوف مره حامل بطنها 5 امتار قدامها وتشتغل بالذات لما تكون
امورها الماديه اوكي يعني ماله داعي تشتغل
والله دايما أسأل نفسي عن بعض الحريم اللي ازواجهم رواتبهم عاليه ليش يشتغلون !!
يعني معقوله ازواجهم ما يصرفون عليهم وعلى عيالهم؟؟


بصراحه مو معقوله المره تشتغل في الدوام وفي البيت وتحمل وتولد وتربي وتهتم بنفسها وبزوجها !!
يعني اكيد الدوام بياخذ تص الوقت


اما بالنسبه للتأييد اذا كانت غبر متزوجه اوا اذا كانت ظروفها الماديه صعبه او يكون عندها فراغ


هذي وجهة نظري
و اتمنى اعرف رايكم بالموضوع ؟؟
واسفه على الاطاله

Saudi
01-09-2008, 03:38 AM
مشكورة اخت لجين عالموضوع
بما انك أعطيتنا الضوء الأخضر وفتحتي باب النقاش
أنا رح اعطيك وجهة نظري أتمنى تتقبلينها
اسمحيلي اقولك ان نظرتك كانت قاصرة ومن منظور واحد

أنا طبعا مع عمل المرأة
العمل أكيد له فوائد أهمها يفتح عقولنا على افاق جديده ويوسع مداركنا
وكمان احتكاكك بالاخرين, احساسك بالاستقلال الذاتي والأمان,
تتعرفين على نوعيات مختلفة من البشر وكيف تتعاملين معهم, تطورين من ذاتك وقدراتك و أكيد انه في الاخير رح ينعكس على راحتك النفسيه بعكس لو قعدتي في البيت رح تحسين بملل أكيد وكله رح ينعكس عليك


في نظري أن عمل المرأة اليوم أصبح اجباريا بحكم تغير العالم كل يوم فالمرأة تحتاج ان تعتمد على نفسها تحسبا لظروف الزمن ( لان الواحده ماتضمن أن زوجها يعيش لها طول العمر) وأكيد الأمثله كثيره حواليك وقارني بنفسك

ثاني شي مو شرط أن المرأه العاملة تكون فاشلة اسريا المفروض يكون فيه تنظيم
ويكون عندها وعي وبعدين احنا عايشين في عصر التكنولوجيا وشغل البيت صار أسهل بكثير من زمان

المفروض تكون نظرتنا ابعد
فالحياة أكبر وأشمل من أن تحصر في اطار تربية الاطفال واعداد الطعام

lojeen
01-09-2008, 06:51 AM
أنا طبعا مع عمل المرأة
العمل أكيد له فوائد أهمها يفتح عقولنا على افاق جديدهويوسع مداركنا
وكمان احتكاككبالاخرين, احساسك بالاستقلال الذاتي والأمان,
تتعرفين على نوعيات مختلفة من البشر وكيف تتعاملين معهم, تطورين منذاتك وقدراتك و أكيد انه في الاخير رح ينعكس على راحتك النفسيه بعكس لو قعدتي فيالبيت رح تحسين بملل أكيد وكله رح ينعكس عليك
بصراحه انا معاج بهذي النقطه وصدق قعدة البيت تملل وتأثر على النفسيه وتضيق الخلق وهذا اهم شي محيرني لاني ما اتحمل اقعد في البيت فتره طويله

في نظري أن عمل المرأة اليوم أصبح اجباريا بحكم تغيرالعالم كل يوم فالمرأة تحتاج ان تعتمد على نفسها تحسبا لظروف الزمن ( لان الواحدهماتضمن أن زوجها يعيش لها طول العمر) وأكيد الأمثله كثيره حواليك وقارنيبنفسك
ما اعتقد ان عمل المرأه اجباري صحيح ان العالم تغير والمرأه اصبحت افضل من الرجل في بعض المهام بس ما في شي يجبرها انها تشتغل الا بعض الظروف... بل بالعكس عندنا بالخليج اكثر الناس لا يفضلون ان بناتهم وزوجاتهم يشتغلون
اما بالنسبه للظروف بهذي معاج حق انا من اشد المؤيدين لج وحتى مره انا وصديقاتي كنا نتناقش بهالموضوع وكان اجوبة الاغلبيه بخصوص العمل ما بعد الدراسه بالكليه انه مرجح للظروف ومحد يأمن المستقبل وانهم اصلا قاعد يدرسون وياخذون الشهاده عشان الظروف

ثاني شي مو شرط أنالمرأه العاملة تكون فاشلة اسريا المفروض يكون فيه تنظيم
ويكون عندها وعي وبعدين احنا عايشين في عصر التكنولوجياوشغل البيت صار أسهل بكثير من زمان
بصراحه انا ما طرحت هذا الموضوع للنقاش الا بعد ما شفت بعيني حالة الموظفات اللي يشتغلون بالوزارات وقعدت معاهم شهر ونص تقريبا لاني كنت تدريب ميداني هناك وحاولت اعرف شلون طريقتهم بصراحه الغالبيه يعتمدون على الخدم واربعه وعشرين ساعه يتشكون لدرجة ان وحده منهم بنتها عمرها 5 شهور عند الخدامه ما ادري شلون اتأمن عليها مع الخدامه والثانيه عيالها كل يوم قبل الدوام توديهم عند امها وحالتها حاله واايد يتغيبون ويدورون الاجازات يعني ما شفت عندهم حب للعمل مثل ما كنت اتوقع
كله عشان الماده وهذا ما يعجبني طبعا انا لما ابي اشتغل لازم اكون حابه الشغل واقدر ابدع فيه ويكون فيه تنظيم ما بين البيت والشغل
وبنفس الوقت تعرفت على وحده شوي كبيره بالسن توها تشتغل وعجبني نظامها اتقول انها انطرت عيالها يكبرون شويه يعني اللي بالروضه واللي بالمدرسه واشتغلت وهي مأمنه عليهم الحين
المفروض تكون نظرتنا ابعد
فالحياة أكبر وأشمل من أن تحصر في اطار تربية الاطفال واعدادالطعام

اتمنى انج ما تنسين ان تربية الاطفال واعدادالطعام من طبيعة المرأه قبل اي شي اخر وما اعتقد ان التكنولوجبا تقدر تغير طبعنا ومو معقوله لو ان المرأه اهتمت في بيتها وعيالها تكون محدودة التفكير او ضيقة النظر بل بالعكس هي قاعد تربي جيل واعي وفاهم بالذات لو كانت مثقفه
ما ادري يمكن لاني ما تربيت على ايدي خدم ولا اكلت طبخ الخدامه على الرغم من ان عندنا خدامه في البيت وامي هي اللي ربتنا وكبرتنا وماشاءالله علينا الحين تربيتنا الحمدلله زينـــــه
يمكن هالشي اثر عليا........ ما ادري
واخيرا احب اقولج ان انا مو ضد عمل المرأه اذا كانت تقدر توازن بين بيتها وطبيعتها وشغلها
وضد عملها اذا ما اقدرت تنظم حياتها


ومشكووره جدا على المشاركه بصراحه اسعدني مرورج ومشاركتـــــــج بالموضــــــــــوع
حيــــــــــــــــــــــاج الله :smile7:

Saudi
01-09-2008, 08:12 AM
ثاني شي مو شرط أنالمرأه العاملة تكون فاشلة اسريا المفروض يكون فيه تنظيم
ويكون عندها وعي وبعدين احنا عايشين في عصر التكنولوجياوشغل البيت صار أسهل بكثير من زمان
بصراحه انا ما طرحت هذا الموضوع للنقاش الا بعد ما شفت بعيني حالة الموظفات اللي يشتغلون بالوزارات وقعدت معاهم شهر ونص تقريبا لاني كنت تدريب ميداني هناك وحاولت اعرف شلون طريقتهم بصراحه الغالبيه يعتمدون على الخدم واربعه وعشرين ساعه يتشكون لدرجة ان وحده منهم بنتها عمرها 5 شهور عند الخدامه ما ادري شلون اتأمن عليها مع الخدامه والثانيه عيالها كل يوم قبل الدوام توديهم عند امها وحالتها حاله واايد يتغيبون ويدورون الاجازات يعني ما شفت عندهم حب للعمل مثل ما كنت اتوقع
كله عشان الماده وهذا ما يعجبني طبعا انا لما ابي اشتغل لازم اكون حابه الشغل واقدر ابدع فيه ويكون فيه تنظيم ما بين البيت والشغل
وبنفس الوقت تعرفت على وحده شوي كبيره بالسن توها تشتغل وعجبني نظامها اتقول انها انطرت عيالها يكبرون شويه يعني اللي بالروضه واللي بالمدرسه واشتغلت وهي مأمنه عليهم الحين

المفروض تكون نظرتنا ابعد
فالحياة أكبر وأشمل من أن تحصر في اطار تربية الاطفال واعدادالطعام

اتمنى انج ما تنسين ان تربية الاطفال واعدادالطعام من طبيعة المرأه قبل اي شي اخر وما اعتقد ان التكنولوجبا تقدر تغير طبعنا ومو معقوله لو ان المرأه اهتمت في بيتها وعيالها تكون محدودة التفكير او ضيقة النظر بل بالعكس هي قاعد تربي جيل واعي وفاهم بالذات لو كانت مثقفه
ما ادري يمكن لاني ما تربيت على ايدي خدم ولا اكلت طبخ الخدامه على الرغم من ان عندنا خدامه في البيت وامي هي اللي ربتنا وكبرتنا وماشاءالله علينا الحين تربيتنا الحمدلله زينـــــه
يمكن هالشي اثر عليا........ ما ادري
واخيرا احب اقولج ان انا مو ضد عمل المرأه اذا كانت تقدر توازن بين بيتها وطبيعتها وشغلها
وضد عملها اذا ما اقدرت تنظم حياتها




وجهه نظرك ونا احترمها اكيد
بس حبيت اوضح لك اختي انه انتي حكمتي عالموضوع من خلال تجارب أخريات يفتقدون للتنظيم والتخطيط والابداع ونظرتهم المادية بالرغم ان فيه ناس كثير مبدعين ومحبين لعملهم وغيروا حاجات كثيرة في مجتمعهم المفروض يكونون مثل لنا
اما الفئة الي ذكرتيهم المفروض ما نناقشهم او نتاثر بهم

أنا لما ذكرت أنه (احنا عايشين في عصر التكنولوجيا وشغل البيت صار أسهل بكثير من زمان)
أعتقد ان جملتي كانت واضحه ومالها دخل في: لما ذكرتي( ما أعتقد أن التكنولوجيا تقدر تغير من طبعنا) بس ممكن فهمتيني غلط
الي أقصده انا انه التكنولوجيا ساعدتنا كثير وشغل البيت مو حجه نحتج بها علشان نغطي عيوبنا وتقصيرنا. التكنولوجيا ريحتنا كثير وفرق عن ايام زمان بدل ماكانت الواحده تغسل على يدها والاواني والكنس الحين الاالات تشتغل بدلنا
التكنولوجيا اختصرت علينا كثير ووفرت وقتنا ومالها دخل في تغير طباعنا



أنا معك في ان تربية الاطفال واعداد الطعام من طبيعه المراه بس حبيت أذكرك انه انا ابدا ماقللت من شان هذه المهمه ولا وصفتها بانها محدوده التفكير لما تربي أطفالها
الي أقصده أن المرأه ماتحاول تحصر نفسها في اطارهذه المهمه وتهمل جوانب اخرى
المرأه المفروض تبدع في كل الجوانب لأن المجتمع يحتاجها كما يحتاج للرجل


عالعموم الاختلاف في الرأي لا يفسد للود قضيه:smile7:
أتمنى ان وجهه نظري كانت واضحه وما أخطات في ايصالها


ومشكوره اختي عالموضوع المهم

turky1
01-09-2008, 11:42 AM
مشكورة اخت لجين على الموضوع الجميل واللي يدل على
حرصك للوصول للشيء الصح



مو عناد مثل بعض البنات يعني الإنسان اللي يناقش ويحب يسمع اراء الناس في اي موضوع شيء جميل



انا اشعر بعض البنات حافظين كلام عن المرأة ويسمعوه المقدمة :smile5:



بالنسبة لعمل المرأة كمعلمة او طبيبة انا اشوفه شيء ضروري ويمكن يصل الى حد الوجوب



في وجهة نظري مو معقول تجيب مرتك او اختك او امك عند رجل ويجلس يكشف عليها انا اشعر انه قلة ادب وصار الرجل مايغير على اهل بيته



الا في حالة الضرورة انه مافي نساء وانا اعتبر عمل المرأة في ذي المهنتين تؤجر عليه اذا اخلصت النية



غير كذا من الأعمال انا اشوف انها تجلس في بيتها افضل



اتمنى تاخذو الكلام بروح رياضية :smile4:

lojeen
02-09-2008, 01:26 AM
وجهه نظرك ونا احترمها اكيد
بس حبيت اوضح لك اختي انه انتي حكمتي عالموضوع من خلال تجارب أخريات يفتقدون للتنظيم والتخطيط والابداع ونظرتهم المادية بالرغم ان فيه ناس كثير مبدعين ومحبين لعملهم وغيروا حاجات كثيرة في مجتمعهم المفروض يكونون مثل لنا
اما الفئة الي ذكرتيهم المفروض ما نناقشهم او نتاثر بهم


كلامج صح بس هذا حال الاغلبيه للاسف



أنا لما ذكرت أنه (احنا عايشين في عصر التكنولوجيا وشغل البيت صار أسهل بكثير من زمان)
أعتقد ان جملتي كانت واضحه ومالها دخل في: لما ذكرتي( ما أعتقد أن التكنولوجيا تقدر تغير من طبعنا) بس ممكن فهمتيني غلط
الي أقصده انا انه التكنولوجيا ساعدتنا كثير وشغل البيت مو حجه نحتج بها علشان نغطي عيوبنا وتقصيرنا. التكنولوجيا ريحتنا كثير وفرق عن ايام زمان بدل ماكانت الواحده تغسل على يدها والاواني والكنس الحين الاالات تشتغل بدلنا
التكنولوجيا اختصرت علينا كثير ووفرت وقتنا ومالها دخل في تغير طباعنا



أنا معك في ان تربية الاطفال واعداد الطعام من طبيعه المراه بس حبيت أذكرك انه انا ابدا ماقللت من شان هذه المهمه ولا وصفتها بانها محدوده التفكير لما تربي أطفالها
الي أقصده أن المرأه ماتحاول تحصر نفسها في اطارهذه المهمه وتهمل جوانب اخرى
المرأه المفروض تبدع في كل الجوانب لأن المجتمع يحتاجها كما يحتاج للرجل


عالعموم الاختلاف في الرأي لا يفسد للود قضيه:smile7:
أتمنى ان وجهه نظري كانت واضحه وما أخطات في ايصالها



وجهة نظرج وصلت وهذا رايج واكيد انا احترمه ويعطيج العافيه ع المشاركه مره ثانيه
وعلى قولتج الاختلاف في الرأي لا يفسد للود قضيه :smile7:

lojeen
02-09-2008, 02:00 AM
اول شي يعطيك العافيه ع المشاركه اخوي تركي
اما بالنسبه لعمل المرأه كطبيبه او معلمه فهذا شي انساني بالدرجه الاولى وكلنا نحتاج له
ويعطيهم العافيه على مجهودهم

بس هذا مو معناته ان المرأه ما تصلح حق اعمال ثانيه بالعكس انا اشوف المره لازم تعمل بوايد مجالات ثانيه نحتاجها فيها حتى مجال الشرطه وهذا شي مهم جدا جدا مثلا لو صار (هوشه ) بين حريم الله يستر مو معقوله الشرطي يتدخل بينهم او عند تفتيش المرور اذا كانت المره منقبه مو ما يصير الشرطي يقولها قطي نقابج .... وغيره كثير
بس المشكله المهمه هو هل تقدر المرأه توازن بين طبيعتها وبيتها وعملها
انا عن نفسي ما اقدر اصير شرطيه ولا حتى محاميه لان هذي مو طبيعتي ولا اقدر اعمل الرجال
صح انه عمل مهم ان المره تعمله بس اجد فيها صعوبه كبيره بالنسبه لي بس غيري يقدرون

يعني لو اقدرت انها تشتغل وتنظم حياتها فأنا اول المؤيدين لها
مع اني اجد بعض الصعوبه

ويعطيك العافيه مره ثانيه

turky1
02-09-2008, 02:51 PM
اول شي يعطيك العافيه ع المشاركه اخوي تركي
اما بالنسبه لعمل المرأه كطبيبه او معلمه فهذا شي انساني بالدرجه الاولى وكلنا نحتاج له
ويعطيهم العافيه على مجهودهم

بس هذا مو معناته ان المرأه ما تصلح حق اعمال ثانيه بالعكس انا اشوف المره لازم تعمل بوايد مجالات ثانيه نحتاجها فيها حتى مجال الشرطه وهذا شي مهم جدا جدا مثلا لو صار (هوشه ) بين حريم الله يستر مو معقوله الشرطي يتدخل بينهم او عند تفتيش المرور اذا كانت المره منقبه مو ما يصير الشرطي يقولها قطي نقابج .... وغيره كثير
بس المشكله المهمه هو هل تقدر المرأه توازن بين طبيعتها وبيتها وعملها
انا عن نفسي ما اقدر اصير شرطيه ولا حتى محاميه لان هذي مو طبيعتي ولا اقدر اعمل الرجال
صح انه عمل مهم ان المره تعمله بس اجد فيها صعوبه كبيره بالنسبه لي بس غيري يقدرون

يعني لو اقدرت انها تشتغل وتنظم حياتها فأنا اول المؤيدين لها
مع اني اجد بعض الصعوبه

ويعطيك العافيه مره ثانيه


انا كنت احسبك في البداية انك ضد عمل المرأة فهمتك خطأ


انه المرة تكون شرطية انا اشوفه صعب البنت ضعيفة مو قادرة


تدافع عن نفسها كيف تدافع عن غيرها حتى هي تخاف من


المسدس اللي راح يعطوها اياه


وبعدين تباشر عملها بالعباية ولا بدلة الشرطة وتجلس قدام


الناس لابسة بنطلون


يعني غير الطب والتعليم اللي يتناسب مع طبيعة البنت انا


مااشوف انه العمل ضروري لها


وبعدين الأولاد صارو مايلاقو اعمال دايم يفضلو البنت عليهم


:smile1:


والبنت مو مسؤولة عن مصاريف البيت لكن الولد مسؤول


:smile5:

lojeen
03-09-2008, 08:55 PM
الظاهر اني صدمتك بالشرطيه
ههههههههههههه
انا معاك ان هالشغله وايد صعبه على الرجل فما بالك بالمرأه بيني وبينك انا مثلك انصدمت يوم قريت الخبر بالجريده انهم بيحطون عندنا شرطيات والله اني قلت هذا اللي ناقص ماكو شغل بيحطون شرطيات بس لما فكرت فيها لقيت انه مهم يكون عندنا شرطيات صح انه كلش مو لايق مره شرطيه بس لازم يكون عملها بحدود واماكن محدده مو مثل الرجل يعني مافي اكشن ومطاردات ...... عاد جذي يمصخونها
بس اكيد اللي بتشتغل هالشغله يكون قلبها حديد وتكون قويه لانها مو مجبوره اصلا ومو اي بنت ترضى تشتغل شرطيه يعنى اللي بتشتغل لازم تتقبل نفسها ولازم اهلها يوافقون ولازم المجتمع يتقبلها
اما بخصوص اللبس عاد هذا شي ثاني يعني عندنا بالكويت وايد بنات ما يلبسون عبايه فما راح تكون عندهم هذي مشكله

بس انا لما قلت ان المره لازم تشتغل بوايد اماكن مو معناته ان كل مره تقدر تشتغل اي شغله بس انا كبنت لو صارت عندي معامله باي مكان مثلا احب اللي يشتغل يكون مره مو ريال وحتى لو رحت السوق ما احب راعي المحل يكون ريال لاني ما اقدر اخذ راحتي وهو واقف على راسي ويا شينه لو مدح بضاعته .......... وغيره كثير

واخيرا احب اقول اني مو ضد ولا مع عمل المرأه يعني على حسب الظروف والشغله والافضل انه تبدي بيتها على الشغل لو صار تعارض وعلى قولتك الولد هو المسؤول عن البيت

ومشكووووووور ع المشاركه مره ثانيه

turky1
05-09-2008, 02:36 PM
الظاهر اني صدمتك بالشرطيه



ههههههههههههه
انا معاك ان هالشغله وايد صعبه على الرجل فما بالك بالمرأه بيني وبينك انا مثلك انصدمت يوم قريت الخبر بالجريده انهم بيحطون عندنا شرطيات والله اني قلت هذا اللي ناقص ماكو شغل بيحطون شرطيات بس لما فكرت فيها لقيت انه مهم يكون عندنا شرطيات صح انه كلش مو لايق مره شرطيه بس لازم يكون عملها بحدود واماكن محدده مو مثل الرجل يعني مافي اكشن ومطاردات ...... عاد جذي يمصخونها
بس اكيد اللي بتشتغل هالشغله يكون قلبها حديد وتكون قويه لانها مو مجبوره اصلا ومو اي بنت ترضى تشتغل شرطيه يعنى اللي بتشتغل لازم تتقبل نفسها ولازم اهلها يوافقون ولازم المجتمع يتقبلها
اما بخصوص اللبس عاد هذا شي ثاني يعني عندنا بالكويت وايد بنات ما يلبسون عبايه فما راح تكون عندهم هذي مشكله


بس انا لما قلت ان المره لازم تشتغل بوايد اماكن مو معناته ان كل مره تقدر تشتغل اي شغله بس انا كبنت لو صارت عندي معامله باي مكان مثلا احب اللي يشتغل يكون مره مو ريال وحتى لو رحت السوق ما احب راعي المحل يكون ريال لاني ما اقدر اخذ راحتي وهو واقف على راسي ويا شينه لو مدح بضاعته .......... وغيره كثير

واخيرا احب اقول اني مو ضد ولا مع عمل المرأه يعني على حسب الظروف والشغله والافضل انه تبدي بيتها على الشغل لو صار تعارض وعلى قولتك الولد هو المسؤول عن البيت

ومشكووووووور ع المشاركه مره ثانيه


بالنسبة لحب المرأة انها تتعامل مع بنت مثلهاخصوصا في محلات الملابس شعور
مرة حلو انا مافكرت في ذا الشيء



اسلوبك رائع في الحوار مو متعصبة لرأيك


هدفك توصلي للحق سواء كان رأيك او رأي اللي معاكي


مرنة ممكن يتغير رأيك اذا اقتنعت برأي اللي معاكي


وهذي صفات الإنسان الناجح انا مرة اسمعت واحد يتكلم عن اسلوب الحوار


في برنامج في التلفزيون ولما شفت اسلوبك افتكرت البرنامج


اتمنى لك التوفيق

lojeen
05-09-2008, 09:37 PM
حيــــــــــــــــاك الله تركي

ومشكور

fluent
06-09-2008, 05:37 PM
السلام عليكم

إسمحوا لى بمداخله بسيطه

لن أرد على سؤالك بسؤال أختى الكريمه ولكن هذا السؤال يطرح نفسه

ما الهدف من العمل ؟

هل هو تحقيق الذات والطموحات

هل هو لجنى بعض المال والاعتماد على النفس

هل هو لدفع الملل وكسر الوقت

أم هل هو لنفع الامه من خلال العمل فى بعض المجالات والتى تتطلب الوجود النسائى فيها

الغرض من العمل هو الذى يحدد كونيه العمل وفق الاحتياج إليه

آسف للأطاله ولكن الموضوع من الاهميه حيث يخص نصف المجتمع ( المرأه)


أخوكم

Fluent

lojeen
06-09-2008, 08:59 PM
وعليكم السلام
حياك الله اخوي

اول شي اشكرك على المشاركه وابداء رايك المهم بالموضوع
وبصراحه سؤالك وايد حلو وبمكانه وهذا يدل على درايتك وثقافتك
واهتمامك

يعني اللي فهمته من كلامك انك موضد عمل المرأه
وما عندك مانع بالذات اذا كان العمل نافع ومهم
يعني على حسب الهدف من العمل


بصراحه كلام منطقي وجميل

يعطيك العافيه ع المشاركه

fluent
06-09-2008, 11:17 PM
حياكى الله أختنا lojeen

بدايه أحب أن أشكرك على كلامك وعلى هذا الموضوع القيم

ثانياً توضيح لكلامى وهو أننى لست ضد عمل المرأه ولكن هل تحتاج هذا العمل فعلاً ؟

والاسلام ليس ضد عمل المرأه ولكن لابد أن يكون هذا العمل وفق لشروط معينه

وهذه الشروط ليست لشىء إلا للحفاظ عليها وسلامتها فهى الام والاخت والزوجه والابنه.

ومن هذه الشروط

1- أن يكون العمل موافقاً لطبيعة المرأة وأنوثتها

2- أن لا يعارض عملُها الوظيفةَ الأساسية في بيتها نحو زوجها وأطفالها

3- أن يكون خروجها للعمل بعد إذن وليها الاب أو الزوج إذا كانت متزوجه

4- خلو العمل من المحرمات ، كالتبرج والسفور وغيرهما

5- أن تلتزم بالحجاب الشرعي وتتقى الله فى نفسها وربها

هذا وأعاننا الله وإياكم على تقوى الله

fluent
06-09-2008, 11:31 PM
إتماماً للفائده وللموضوع الرائع هذا للأخت lojeen

1_ محاضره بعنوان مائه وظيفه للمرأه رائعه جداً ومفيده لكل من تبحث عن الايجابيه والمشاركه فى المجتمع

وهى للدكتور محمد الهبدان من موقع اسلام واى

هنا (http://www.islamway.com/?iw_s=Lesson&iw_a=view&lesson_id=51937)

2_ ضوابط عمل المرأه من مكتبه صيد الفوائد

هنا (http://www.saaid.net/female/0115.htm)

وآسف جداً على الاطاله

lojeen
07-09-2008, 06:10 AM
يعطيك العافيه
بصراحه اشكرك على اهتمامك بالموضوع
وانا اتفق معاك بالشروط اللي ذكرتها
وكلامك صح

ومشكور على المواقع المفيده فعلا
ما قصـــــــــــــرت

الله يوفقك انشاءالله

turky1
07-09-2008, 07:44 AM
حياكى الله أختنا lojeen

بدايه أحب أن أشكرك على كلامك وعلى هذا الموضوع القيم

ثانياً توضيح لكلامى وهو أننى لست ضد عمل المرأه ولكن هل تحتاج هذا العمل فعلاً ؟

والاسلام ليس ضد عمل المرأه ولكن لابد أن يكون هذا العمل وفق لشروط معينه

وهذه الشروط ليست لشىء إلا للحفاظ عليها وسلامتها فهى الام والاخت والزوجه والابنه.

ومن هذه الشروط

1- أن يكون العمل موافقاً لطبيعة المرأة وأنوثتها

2- أن لا يعارض عملُها الوظيفةَ الأساسية في بيتها نحو زوجها وأطفالها

3- أن يكون خروجها للعمل بعد إذن وليها الاب أو الزوج إذا كانت متزوجه

4- خلو العمل من المحرمات ، كالتبرج والسفور وغيرهما

5- أن تلتزم بالحجاب الشرعي وتتقى الله فى نفسها وربها

هذا وأعاننا الله وإياكم على تقوى الله

رد جميل وموجز ومتكامل

مشكوووووووووووووووووووووور